Cambiarei os soños polas realidades e desatraquerei dos portos de todos os océanos. Virarei en terra cara novos aterdeceres que medrarán na lúa dos teus ollos. Vencerei as ondas arrombadas que mecen os barcos soñados nos cadernos, e encherei o ceo con nubes que levarán por sempre o teu nome.Serei nai, esposa e filla. Serei muller forte nada nas terras dos celtas. Serei raíña conquistadora, gardiá de apócemas e segredos. Serei maga, bruxa e druída neste tempo dos carballos renacidos.
Desvelarei os esconxuros dos abismos e serei femia digna da terra que me medra nas veas. E enxertarei coa miña lingua a túa boca sen máis babel que enxugue os nosos ríos.
